Ish-konkurrenti i “Për’puthen”, Fation Kuqari, ishte i ftuar në “Ftesë në 5” me Bieta Sulon, ku po diskutonte statusin viral të Skerdi Farias, i cili iu bënte thirrje të gjithë meshkujve “të investonin te femra e tyre” me një palë buzë të reja.
Fationi nuk ishte dakord me mënyrën sesi ishte shprehur doktori, por pohoi se nuk e ka problem që të mbajë të dashurën financiarisht nëse ka mundësi.
“Tani unë të kem shoqen time në krah dhe ajo të shprehë dëshirën të bëjë buzët, unë nëse do e kem mundësinë do e bëj. Nuk e shoh si gjë të keqe. Edhe kur thonë “femra ime” ose “mashkulli im”, ne shqiptarët e kemi si shprehje, nuk e themi për keq”- tha ai.
