Këngëtarja Fjolla Morina, prej një jave, është liruar pasi u mbajt në paraburgim për rreth 40 ditë.
Ajo u arrestua në muajin korrik nga autoritetet në Kosovë, pas një urdhër-arresti ndërkombëtar të lëshuar nga Interpoli. Por Morina u la e lirë më datë 15 të këtij muaji, pasi Gjykata Themelore në Prishtinë – Departamenti i Krimeve të Rënda, hodhi poshtë kërkesën e Prokurorisë për ekstradim në Shqipëri, dhe kështu iu ndërpre masa e paraburgimit.
Së fundmi Morina ka publikuar në rrjete sociale një foto ku ka falenderuar shtetin si dhe avokatin e saj, Fanol Krasniqi.
“Falemnderit shteti im! Falemnderit avokat”, ka shkruar Fjolla.
