Një 26-vjeçar është arrestuar në Korçë pasi akuzohet se ka konsumuar veprën penale të kryerjes së marrëdhënieve seksuale me një vajzë të mitur.
Këtë të Mërkurë, burime zyrtare nga policia bënë me dije se specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Marrëdhënie seksuale me të mitur” të shtetasit R. K., 26 vjeç, banues në Korçë.
Dyshohet se ky shtetas ka kryer marrëdhënie seksuale me një 14-vjeçare, shtuan të njëjtat burime.
Hetimet e mëtejshme për çështjen do ti kryejë prokuroria e Korçës.
