Gazetarja Anila Hoxha ka zbardhur mbrëmjen e sotme dinamikën e ngjarjes së rëndë që tronditi Lezhën mëngjesin e sotëm, aty ku oficeri i policisë, Saimir Hoxha u ekzekutua nga i riu Aldi Rama.
Tre policë ishin nisur për një operacion anti-drogë në Lezhë. Teksa ktheheshin nga operacioni, ku kishin zbuluar një parcelë me drogë, policët kanë hasur një automjet të dyshimtë pranë parcelës.
Ata kanë sinjalizuar për të ndaluar automjetin, i cili ka bërë disa manovra dhe më pas është bindur të ndalojë.
Tre policët janë afruar te makina. Ajo drejtohej nga Armando Marku, ndërsa pasagjerë kishte Kristian Sherrin dhe Aldi Ramën, ky i fundit i vetmi i aramatosur.
Në momentin që Hoxha ka kërkuar që Aldi Rama të dalë nga makina për kontroll, ky i fundit ka thënë vetëm ‘”Nuk jam për kontroll unë” dhe më pas ka hapur zjarr ndaj policit, i cili humbi jetën pasi mori një plumb në zemër.
Në këtë moment kanë ndërhyrë kolegët e viktimës, të cilët kanë arrestuar dy shokët e autorit, e ky i fundit ka marrë makinën edhe është larguar.
Sipas dëshmive të dhëna përpara hetuesve, dy të rinjtë kanë thënë që kishin shkuar në zonë për të pirë një cigare hashash.
“Armando Marku dhe Kristian Sherri. Këta nuk kanë njoftuar autoritete që shioku i tyre mbante armë pa leje. Pas disa manovrave, oficerët i bëjnë me shenjëautomjetit të ndalojë. Automjeti ishte rreth 500 m larg parcelës. Leonard Talushi, shefi i Krimeve, ndalon drejtuesin automjetit, Armando Marku, dhe kërkohet kontrolli i pasagjerit. Ndërsa pasagjeri i tretë nuk zbret nga automjeti. Saimir Hoxha shkpn drejt pasagjerit të tretë i cili nuk e përfill policinë dhe i thotë do zbresësh nga automjeti. Fjalia e tij ishte vetëm një “Unë nuk jam për kontroll” dhe nxjerr armën dhe qëllon policin. Këta tre të rinj ishin apo jo përgjegjeshgjë, ata thonë se kemi udhëtuar drejt zonës për të pirë një cigare kanabis. Nuk kanë arritur ende ne konkluzion nëse parcela i përkiste atyre. E kaluara aspak e mirë e Aldi Ramës, e bën dyshuese. Autori duhet të ishte në arrest shtëpie. Dyshohet të jenë 25 dhe 26 vjeç. Ka disa pikëpyetje, nga SHÇBA”, tha gazetarja Anila Hoxha.
