Gjykata e Lartë vendosi kthimin në Gjykatën e Apelit të dosjen në ngarkim të ish-ministrit të Brendshëm Saimir Tahiri dhe ish-drejtorit të Policisë Vlorë, Jaeld Çela.
Gjykata vendosi në favor të kërkesës së ish-ministrit dhe ish-drejtorit të policisë, ndërsa prokurorët e SPAK kërkuan kthim për rigjykim në Shkallën e Parë dhe provat të shqyrtohen edhe një herë nga GJKKO.
Tanimë, sipas vendimit të Gjykatës së Lartë, çështja do të kthehet në Apelin e Gjykatës së Posaçme me një tjetër trupë gjykuese.
“Do ndjekim procedurën dhe do shkojmë prapë në Gjykatën e Apelit”, tha shkurtimisht Tahiri për gazetarët pas vendimit.
Avokati i Tahirit, Maks Haxhia tha se gjykata vendosi përfundimisht prishjen e vendimit dhe “paraqiti arsyet që kishin të bënin me shkeljet proceduriale”.
Tahiri u dënua nga Krimet e Rënda për shpërdorim detyre me 3 vite shërbim prove, ndërsa Jaeld Çela me 3 vjet e 4 muaj burgim. Apeli i Gjykatës së Posaçme vendosi prishjen e vendimit dhe dërgimin e akteve në atë gjykatë, një trupe tjetër gjykuese. Më pas, si prokuroria, ashtu dhe ish-ministri bënë rekurs, për të cilin Gjykata e Lartë u shpreh këtë të Martë.
Lexo edhe:
