Atdhe Xharavina deklaroi pak kohë më parë se i kishte dhënë fund miqësisë me Andin pas ndarjes nga Sara. Atdheu tregoi se ka qenë ai që ka bashkuar Andin dhe Jasminën gjatë krizave në lidhje, por në momentin që ata u ndanë përfundimisht Andi i kërkoi Atdheut të mos publikonte më foto me Jasminën dhe ai e respektoi kërkesën e shokut. Nga ana tjetër, sipas Atdheut, Andi nuk bëri të njëjtën gjë në momentin që ai u nda nga Sara.
“Vetëm 1 ditë pas ndarjes time me Sarën e kuptoi e gjithë Shqipëria, Andi hedh foto me të me arsyetimin se nuk e ka ditur që jemi ndarë”, tha Atdheu duke shtuar se kanë ndodhur edhe disa situata të tjera, por kjo ishte kulmi.
Për sherrin e tyre Andi ka reaguar për herë të parë në intervistën e tij 60 sekonda për “Prive”. I pyetur për arsyen, ai zgjodhi ta komentojë shkurt, duke thënë thjesht: “Pa lidhje, e din ai vetë”.
