Ditën e nesërme pritet që në Tiranë, të mbërrijë presidentja e KE Ursula Von der Leyen.
Vizita u njoftua nga Ambasadori i Bashkimit Europian, Luigi Soreca.
Soreca shkruan mes të tjerash se Ursula Von der Leyen do të pritet nga kryeministri Edi Rama dhe presidenti Ilir Meta.
“Mezi pres të mirëpres Presidenten Ursula Von der Leyen. Përpara Samitit BE-BP më 6 tetor, Presidentja do të vizitojë rajonin këtë javë, duke filluar udhëtimin e saj nga Tirana nesër në mëngjes.
Ajo do të pritet nga kryeministri Edi Rama dhe presidenti Ilir Meta. Më pas, ajo do të marrë pjesë, së bashku me Kryeministrin, në përurimin e “Shkollës Korb Muça dhe Kopshtit Europa”, të cilat janë ndërtuar me fondet e BE -së në kuadër të programit #EU4Schools🇪🇺 pas tërmetit shkatërrues të Nëntorit 2019”- shkruan ambasadori në Twitter.
Në orën 09:00, Urusla Von der Leyen do takohet me kryeministrin Edi Rama në Pallatin e Brigadave. Më pas ajo do të takohet me Metën në Presidencë dhe më tej rreth orë 11:15 do zhvillojë një vizitë në “Shkollën Korb Muça dhe Kopshtit Europa”.
