Kush gënjen? Rama: Nuk kam folur me Vuçiç. Deputeti i PS: Jam i sigurtë që ka folur

Kryeministri Edi Rama u shpreh mbrëmjen e sotme në emisionin “Open” se nuk ka folur me Presidentin serb, Aleksandar Vuçiç, lidhur me tensionet në veri të Kosovës. Pavarësisht se u shpreh i gatshëm të shkonte në Beograd, nëse do të kishte një ftesë, madje do të ftonte Albin Kurtin që ti bashkohej “Open Balkan”, Rama tha se nuk kishte folur me Vuçiç, pasi e drejta ishte në krahun e Kosovës.

Por në një tjetër studio televizive, deputeti socialist Etjen Xhafaj, tha se kryeministri Edi Rama ka folur me Presidentin e Serbisë, Aleksandër Vuçiç për tensionet në veri të Kosovës.

I pyetur nga gazetarja Linda Karadaku nëse Edi Rama mund të marrë rolin e ndërmjetësuesit, të flasë me palët, ai tha: “atëherë po flasim në kushte krize dhe të jesh aty të zgjidhësh një krizë duhet të kesh një rol mbi palët. Roli i Shqipërisë nuk është mbi palët, ka qenë gjithmonë në mbështetje të Kosovës”.

LEXO EDHE  Aksident i rëndë në Lezhë/ Makina përplas për vd*kje këmbësorin! Emri

“A duhet të flasë? Po. Absolutisht. Jam i sigurt që ka ndodhur dhe ka një diskutim të hapur. Por në këtë çështje është përfshirë sekretari i përgjithshëm i NATO-s, nuk është vetëm roli i Shqipërisë. Shqipëria do të jetë gjithmonë e paragjykuar, pasi do të jetë në krah të Kosovës”, tha ai.

Më tej ai theksoi se “Shqipëria mund të luajë një rol negocimi në mes. Sot është fakt që kemi të bëjmë me një situatë shumë kritike mes Kosovës dhe Serbisë që është kritike për të gjithë Ballkanin. Kemi të bëjmë me një situatë të zgjatur dhe negociatës së munguar”.