Një nga të plagosurit e aksidentit të ndodhur në Kuçovë javën e kaluar ka humbur jetën.
Aksidenti u shënua të Mërkurën në vendin e quajtur “Rreth-rrotullimi”, ku A.V., 35 vjeç, duke drejtuar mjetin tip Wolksëagen, është përplasur me një motoçikletë.
Për pasojë janë dëmtuar drejtuesi i motoçikletës shtetasi N.D. dhe pasagjeri Sh.P., të cilët pasi kanë marrë mjekim në Spitalin Rajonal Berat janë dërguar në Spitalin e Traumës Tiranë, për mjekim më të specializuar.
Një nga të plagosurit mësohet se ka humbur jetën në spital.
Lidhur me ngjarjen, u arrestua drejtuesi i automjetit për veprën penale “Drejtim mjeti në mënyrë të parregullt”.
