Ish-Kryeministri Sali Berisha është shprehur entuziast lidhur me “Foltoren” e zhvilluar pasditen e së shtunës në Vlorë, ku disa qindra mbështetës dhe anëtarë të Partisë Demokratike, iu bashkuan bashkëbisedimit të tij me strukturat e kësaj partie.
“Madhështore pritja e Foltores nga demokratët e Vlorës. Entuziazem i jashtzakonshëm, frymëzues në Vlorë”, shkruan Berisha në rrjetet sociale, duke postuar edhe pamjet e pritjes nga anëtarësia e PD.
Ky ishte takimi i tretë i ish-Kryeministrit me anëtarësinë e demokratëve, ku sërisht ka hedhur akuza në drejtim të kreut demokrat, Lulzim Basha, të cilin e konsideron si të kapur nga Edi Rama.
Berisha edhe njëherë ka kërkuar falje për suportin dhe mbështetjen që i ka dhënë Bashës në 8 vitet e drejtimit të partisë më të madhe opozitare, ndërsa premtoi se organizimi i PD do të jetë i ngjashëm me atë të republikanëve amerikanë, përmes primareve për kandidatët.
