Partizani dhe Vllaznia kanë ndarë pikët në një barazim 1-1 në sfidën e zhvilluar në “Elbasan Arena”.
Të kuqtë janë në vështirësi por në fund marrin një pikë përballë shkodranëve. Skuadra e Brdaric kaloi në avantazh që në minutën e 4’, me Da Silvan i cili u shërbye bukur nga Latifi në zonë.
Partizani nis të reagojë duke qarkulluar më shumë topin që gjithsesi është e lexueshme, teksa në 32’, Kaçe me një gjuajtje detyron Zogoviç të ndërhyjë.
Fraksioni i dytë nis me pretendime për penallti nga Vllaznia për një kontakt Belica-Latifi por gjithsesi Partizani tenton më shumë të gjejë golin por manovrat e ekipit të Dajës janë të vakta.
Skuadrat bëjnë zëvendësimet e tyre dhe vetëm në fund, të kuqtë në 88’ arrijnë të barazojnë llogaritë me Rrapajn i cili me një gjuajtje nga jashtë zone ngrin Zogoviç.
Këtu mbyllet dhe sfida me një barazim 1-1, që shmang humbjet për të dyja ekipet por askush nuk ka mbetur i kënaqur. Vllaznia për momentin e dyta me 5 pikë ndërsa Partizani në vendin e 6 me 2 pikë.
