Një aksident raportohet se ka ndodhur rreth orës 20:55 të së shtunës në Shijak.
Në aksident janë përfshirë dy automjete me drejtues shtetasit V.Ç dhe K.D.
Por pas aksidentit, sipas policisë, një person me inicialet M. K. është konfliktuar dhe ka goditur me thikë, një tjetër person me inicialet Sh. Ç., i cili është i afërm i një prej drejtuesve të mjeteve të përfshirë në aksident.
I plagosuri me thikë inicialet Sh. Ç., ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes dhe kapjen e autorit të dyshuar.
