Kozak Baçi, në një video në rrjetet sociale, ka shpjeguar se si e morën peng ditën e djeshme.
Ai thotë se sapo doli nga shtëpia, hipi në një taksi kur aty u shfaqen pengmarrësit – 13 veta, me 4 makina pa targa dhe të armatosur. Shton se e futën me forcë në një automjet tip “Golf 5” dhe e dhunuan.
“Më morën peng, 13 veta me armë me thikë marrin peng këdo, por i binda me fjalë dhe më lanë”, thotë ai. Më tej, tregon: “Më lanë në një pyll, kam ardh me ata, me Danielin, vëllain e Fabios dhe një tjetër, ata të tjerët ikën. Kam ardhur me ata në këmbë. Më thanë ‘do të japim dhe lekë’ se u trembën edhe ata”.
Dyshimet janë se Kozaku u mor peng nga të dërguar të Fabio Dushkut, të cilën e ka sharë në një video në rrjetet sociale. Fabio Dushku është i dënuar në Greqi me tre burgime të përjetshme për vrasje dhe plagosje.
