Gjykata e Posaçme refuzon sërish të lirojë nga qelia Selim Çekajn, babain e Arber Çekajt. Kërkesa për zëvendësim mase është rrëzuar përsëri, ndonëse edhe SPAK ka qenë dakord me zbutjen e masës.
Babai 72-vjeçar i Arbër Çekajt, i cili po vuan një dënim me burg për trafikimin të 613 kilogramëve kokainë, mbahet në paraburgim si i dyshuar për trafikimin e 49 kg kokainë nga Ekuadori.
Selim Çekaj u arrestua në 1 prill pas gjetjes së 49 kg kokainë të fshehur në një kontejner me banane të porositur prej kompanisë së tij në Ekuador. Hetimi i nisur nga Prokuroria e Durrësit u përcoll në SPAK, por hetimi nuk zbuloi lidhje mes tij dhe drogës. Ndonëse në fillim të gushtit Prokurorët e SPAK kërkuan zbutje të masës së sigurisë, Gjykata e Posaçme la të pandryshuar masën “arrest në burg”.
