Ivanka Trump, vajza e ish-presidentit amerikan, Donald Trump, ka kaluar disa ditë pushimesh në Shqipëri.
Lajmi është bërë i ditur nga eksperti i turizmit Auron Tare, i cili publikoi edhe disa foto në emisionin “Opinion”.
Ivanka Trump shoqërohej nga bashkëshorti i saj, Jared Kushner dhe disa miq të tyre.
Mësohet se ata kanë qëndruar në një jaht në Sarandë dhe kanë vizituar edhe Butrintin.
Sipas të njëjtave burime bashkë me çiftin Trump ka qenë edhe Nasser Al-Khelaifi.
Naser Al Kalif është presidenti i PSG-së klubit më të pasur në botë. Tare tregon se Ivanka Trump përshkoi me jaht të gjithë vijën bregdetare shqiptare, ndërsa në Përmet ka vizituar kishën e Leusës. Eksperti i turizmit tha se gjatë kohës që vajza e ish-presidentit të SHBA askush nuk e njohu.
“Ishte një vizitë private dhe ata nuk takuan asnjeri. Ata zbritën me avion në Tiranë dhe e bënë me jaht gjithë bregdetin duke nisur nga kepi i Rodonit duke vijuar në Sazan, Porto Palermo dhe më poshtë.
Unë i çova në Qeparo për të parë fshatin e George Tenet (ish-kreu i CIA) edhe për tju thënë se ai është shqiptar dhe jo grek siç ka thënë.
Nuk i njohu asnjeri. Fare. Kudo që shkuan nuk i njohu njeri dhe kjo është gjë e mirë. Bëmë një fluturim me helikopter deri në Leusë të Përmetit për kishën atje. Një pjesë e malit digjej atje në atë kohë. Ishte koha e zjarreve. Shkuam edhe në Butrint” – tha Tare.
