Redaktori i modës Richard Buckley, burri i dizajnerit Tom Ford, ka vdekur në moshën 72-vjeçare.
Lajmin e trishtë e bënë të ditur përfaqësuesit e markës së modës me emrin Ford.
“Me trishtim të madh Tom Ford njofton vdekjen e burrit të tij të dashur prej 35 vitesh, Richard Buckley. Richard vdiq paqësisht në shtëpinë e tyre në Los Angeles mbrëmë me Tom dhe djalin e tyre Jack pranë tij. Ai vdiq nga shkaqe natyrore pas një sëmundjeje të zgjatur”- thanë përfaqësuesit e Ford në deklaratën dërguar CNN Style.
Buckley ishte titan i botës së mediave të modës dhe shërbeu si kryeredaktor i Vogue Hommes International për gjashtë vjet para se të jepte dorëheqjen në 2005. Me një karrierë që zgjati mbi 25 vjet, ai mbajti pozicione të shumta të lakmuara në industri, përfshirë redaktuesin e modës në Women’s Wear Daily, redaktore sociale në Vanity Fair dhe redaktore evropiane e revistës Mirabella tashmë të shuar. Ai gjithashtu kontribuoi në tituj të tillë si Italian Vogue dhe New York Magazine.
