Një aksident me vdekje ka ndodhur këtë të Mërkurë në zonën e Kombinatit, në kryeqytet. Sipas informacioneve parapake që vijnë nga policia, një person që lëvizte me biçikletë ka mbetur i vdekur, pasi është përplasur nga një kamion.
Viktima është ende i paidentifikuar nga policia.
“Rreth orës 12:00, në vendin e quajtur ‘Misto Mame’, Kombinat, mjeti kamion me drejtues shtetasin S.D., 51 vjeç, ka aksidentuar një biçiklist ende të paidentifikuar, i cili ka ndërruar jetë në vendngjarje. Vijon puna nga grupi hetimor për sqarimin e rrethanave të aksidentit”, thuhet në njoftimin zyrtar të policisë lidhur me aksidentin.
