Një tregtare e moshuar u dhunua në Kinë nga një officer policie. Ngjarja ka ndodhur 6 ditë më parë, ndërsa mësohet se oficeri është arrestuar. Mediat ndërkombëtare shkruajnë se kamerat e sigurisë pranë vendit të ngjarjes kanë filmuar sjelljen agresive dhe të shëmtuar të oficerit.
Sipas pamjeve, oficeri i merr peshoren shitëses së moshuar, në kohën që ajo po largohej me gjërat e saj. E moshuara, 72-vjeçe e ka ndjekur pas, teksa ai largohej tek makina e tij. Më pas polici e hedh në tokë peshoren dhe e thyen. Duke mos mjaftuar me kaq, ai e tërhoqi gruan e moshuar dhe e hodhi në tokë.
Mësohet se 72-vjeçarja është në spital, jashtë rrezikut për jetën.
