Me 41 gola, Robert Lewandowski vendosi një rekord të ri në Bundesligë sezonin e kaluar.
Këtë të Martë, ai mori çmimin e “Këpucës së Artë” si golashënuesi më i mirë në Evropë në sezonin 2020/21.
Ceremonia u zhvillua në “Allianz Arena”.
“Këpuca e Artë” i është dhënë golashënuesit më të mirë evropian që nga viti 1967/68, fillimisht nga UEFA dhe që nga viti 1997 nga “European Sportmagazines” (ESM). Lewandowski është lojtari i dytë i Bundesligës që merr çmimin. Para tij e ka fituar Gerd Müller, me 40 gola. Rekordet e vendosura nga Muller në sezonet 1969/70 dhe 1971/72 u thyen nga polaku.
Fituesi i Këpucës së Artë, Lewandowski mbajti dhe një fjalim të shkurtër gjatë ceremonisë.
“Ishte një sezon fantastik për mua. Në fillim, nuk besoja se mund ta thyeja këtë rekord. Me kalimin e kohës, kuptova se kisha një shans. Këtë çmim ia kushtoj Gerd Mueller, i cili ishte një shembull i një futbollisti për mua dhe gruas time Anna. Arritjet e mia janë flaë saj”, tha kapiteni i kombëtares polake, që disa javë më vonë do të përballet me Shqipërinë.
Klasifikimi i Këpucës së Artë 2020/2021
Robert Lewandowski (Bayern Munich) 41 gola = 82 pikë
Leo Messi (Barcelona) 30 gola = 60 pikë
Cristiano Ronaldo (Juventus) 29 gola = 58 pikë
Andre Silva (Eintracht Frankfurt) 28 gola = 56 pikë
Erling Haaland (Borussia Dortmund) 27 gola = 54 pikë, Kylian Mbappe (Paris Saint-Germain) 27 gola = 54 pikë
Romelu Lukaku (Inter Milan) 24 gola = 48 pikë
Gerrard Moreno (Villareal) 23 gola = 46 pikë, Karim Benzema (Real Madrid) 23 gola = 46 pikë, Harry Kane (Tottenham Hotspur) 23 gola = 46 pikë
