Një qiramarrës i ri jeton në shtëpinë ku Caroline u vra nga Babis Anagnostopoulos në Glyka Nera.
Rreth një muaj më parë, Babis dha një urdhër për të lëvizur gjërat që ishin në apartament. Kjo u konfirmua edhe nga fqinjët të cilët thanë se panë punëtorët të zbraznin shtëpinë. Shtëpia u rinovua më pas në mënyrë që të merrej përsëri me qira nga dikush i interesuar. Natyrisht, një familje greke vështirë se do të qëndronte në shtëpinë ku Caroline u vra dhe banori i ri i saj është një i ri me origjinë arabe, i cili nuk e dinte se çfarë kishte ndodhur në atë banesë.
Qiramarrësi i ri më vonë mësoi historinë e shtëpisë dhe thuhet se i rrëfeu një fqinji se pasi mësoi për vrasjen, nuk mund të flinte natën. Kujtojmë se Babis e vrau të shoqen më 11 maj të këtij viti dhe më pas vari qenin e tyre në shkallët e shtëpisë në mënyrë që ngjarja makabre të dukej si grabitje. Për disa javë me radhë ai mashtroi policët duke i thënë se kishin rënë pre e grabitësve, por më pas e pranoi se e kishte kryer ai krimin.
Burimi: iefimerida.gr
