Dy makina janë djegur gjatë natës në Vlorë. Policia sqaron se mjetet janë djegur rreth orës 03:17, në fshatin Vllahinë.
Sipas informacioneve zyrtare, të dy mjetet janë në pronësi të Tomorr Karçanit, banues në fshatin Vllahinë.
Ende nuk dihen shkaqet e rënies së zjarrit, por lidhur me këtë është ngritur një grup hetimor dhe po punon për sqarimin e rrethanave.
Hetimet do të zbulojnë nëse është një zjarrvënie e qëllimshme apo gjithçka ka ndodhur për shkak të ndonjë defekti teknik.
