Sot në rubrikën “Ka një mesazh për ty” tek “E Diela Shqiptare”, Sikedi ka ftuar bashkëshorten e tij, Matildën për t’i kërkuar falje pasi mes tyre ka patur shumë probleme për shkak të nënës së tij.
Sikedi ka treguar se prej 20 ditësh ata janë të ndarë por nuk mund të qëndrojë larg gruas së tij, pasi e dashuron. Ai i kërkon falje për të gjitha, dhe për faktin se ka folur me vajza të tjera gjatë kohës që ka qenë me të.
Sikedi e fton të jetojnë së bashku larg prindërve dhe të vazhdojnë jetën e tyre.
Nga ana tjetër e ëma e Matildës, ka treguar se vajza ka përjetuar depresion dhe ka tentuar të vrasë dhe veten. Matilda është shprehur se pavarësisht se e do Sikedin, nuk mund t’iu dalë kundër prindërve pasi e kanë mbështetur.
“Nuk mund t’iu dal kundër, prindërit më kanë mbështetur, nuk mund t’ua bëj këtë gjë atyre. Ka përfituar nga dashuria. Unë kam qëndruar me të se e doja unë.
Që në momentin që kam shkuar në Kanada. Kur vjen puna te mami ngec. Nuk i vë faj, unë s’mund ta komandoj”, u shpreh ajo.
Më pas Matilda ka vendosur që t’i japë kohë dhe për vendimin i duhet të diskutojë me prindërit.
