Në orën 18:00 u luajtën dy ndeshje të Serie A që panë protagoniste në fushë Lazio dhe Roma.
Dhe për të dy ekipet e kryeqytetit pati rezultate zhgënjyese. Lazio e Sarrit u ndal në një barazim 2-2 ndaj Cagliarit në debutimin e Mazzarrit në stol.
Një ndeshje që pa vendasit të kalonin në avantazh me anë të Immobile, por miqtë me Joao Pedro dhe Keita Balde (ish-bardhekaltër) do të përmbyste.
Cataldi do të gjente barazimin 2-2.
Më keq i shkoi Romës së Mourinhos, që bëri humbjen e parë në Serie A. Në Verona, ndaj ekipit të Tudor (debutues në stol) verdhekuqtë humbën 3-2, pasi ishin në avantazh me Pellegrini…
Vendasit shënuan me Barak dhe Caprari, por një autogol i dha shans verdhekuqve duke ccuar shifrat në 2-2. Por, Barak në fund do të vendoste fitoren e verdhebluve.
Një humbje që ka tërbuar Jose Mourinho. “Nuk luajtem futboll”, do te thoshte pas ndeshjes. Në pjesën e dytë skuadra e Tudor gjeti golat për të përmbysur rezultatin, dhe Special One nuk e mori mirë përmbysjen e rezultatit duke i parë lojtarët shumë të butë në pjesën e dytë.
Dhe ai e tregoi atë hapur në një rast kur ekipi vendas luajti një top te zona e Romës: Special One u bërtiti disa lojtarëve nga stoli dhe madje goditi edhe një shishe ujë.
Trajneri ka kritikuar ekipin për një qëndrim shumë të butë, dhe gjithashtu e ka treguar atë me ndryshimet e bëra në gjysmën e fundit: jashtë Zaniolo, Shomurodov dhe Veretout, brenda Mkhitaryan, Carles Perez dhe El Shaarawy.
