Legjenda e futbollit Botëror, Pele është rikthyer në terapi intensive vetëm pak ditë pasi la spitalin ku iu nënshtrua një ndërhyrjeje në kolon për shkak të një tumori.
Të Premten mjekët rekomanduan rikthimin në spitalin Albert Einstein në Sao Paolo për shkak të problemeve në frymëmarrje të 80-vjeçarit.
Burime nga spitali njoftuan se është një masë paraprake pas asaj ndërhyrjeje dhe se gjendja e tij është e stabilizuar dhe nën kontroll.
Fillimisht Pele u dërgua në terapi intensive e më pas me t’u stabilizuar ai u spostua në dhomë gjysmë terapi intensive duke qenë se nuk paraqet rrezik.
Vajza e legjendës, Key Nascimento postoi një foto me të atin teksa siguroi se nuk paraqet rrezik dhe se është një protokoll normal nga mjekët.
“Kjo është rruga normale e shërimit për një burrë në moshën e tij: ndonjëherë bëhen dy hapa përpara dhe një hap prapa. Dje ai ishte i lodhur dhe bëri një hap të vogël prapa, sot bëri dy hapa përpara”, shkruaji vajza e tij në Instagram
