Krimi që tronditi Divjakën, familja Rrasa në kushte ekstreme të varfërisë, apeli i djalit

Divjaka u trondit mbrëmjen e kësaj të shtune nga një krim familjar. Bashkëshorti 58 vjeçar, Hekuran Rrasa vrau me një armë zjarri bashkëshorten e tij Fëllënxë Rrasa.

Ata jetonin në fshatin Babunjë të Divjakës dhe ishin prindër të një djali të vetëm.
Ishtë pikërisht djali ai që gjeti në banesë të larë në gjak, prindërit e vrarë.

Ai ka rrëfyer për mediat se ka qenë në lokal në momentin kur ka dëgjuar krismat dhe mënjëherë është nisur drejt shtëpisë, ku ka parë trupat e pajetë të prindërve.
I tronditur, djali është shprehur se ka mbetur tashmë në mes të rrugës dhe e vetmja gjë që i ka ngelur është lutja në zot dhe ndihma prej tij.

Ndërkohë për mediat kanë folur edhe fqinjët, të cilat janë shprehur se çifti nuk njihej si problematik dhe se ditët e fundit mes tyre ka pas debate të vogla, gjë që i ka thënë dhe djali.
Edhe vëllai i viktimës është shprehur se Hekuran Rrasa nuk ishte njeri që konsumonte alkool, por pinte ndonjë gotë.

LEXO EDHE  Përmbyset në mes të rrugës furgoni në Qafë-Thanë

Çifti jetonte në kushte varfërie. Ndërkohë mësohet se Hekurani e kishte gruan e dytë Fëllënxën me të cilin kishin edhe djalin. Bëhet e ditur se vrasja ka ndodhur në kushtet e një depresioni të thellë.

Nërkohë ka qenë administratori i zonës i cili është shprehur për mediat se në kushtet e varfërisë që ndodhej familja rrasa është munduar të fuste në punë Hekuranin, ndërsa bashkëshortja ishte e papunë.
Krimi në familje duket se ka marrë përmasa të rënda në vend. Kushtet ekonomike janë arsyet kryesore që çojnë në këto krime, ndërkohë nuk përjashtohen edhe konfliktet për motive të tjera që janë xhelozia dhe largimet jashtë vendit.