“Big Brother VIP” do të nisë transmetimin me 1 tetor dhe aludimet për personazhet e famshëm që do të marrin pjesë në këtë reality show nuk kanë fund.
Deri më tani është përfolur se dy nga konkurrentet do të jenë Sheila Haxhiraj dhe Semi Jaupaj. Gjithashtu është zbuluar përmes portaleve të ndryshme që pjesë e shtëpisë më të famshme në Shqipëri do të jetë edhe aktori Romeo Veshaj e këngëtarja Albërije Hadërgjonaj.
“Iconstyle.al” ka zbuluar së fundmi konkurrenten e radhës. Bëhet fjalë për një figurë të njohur të artit shqiptar, aktoren e njohur dhe të dashur nga të gjithë, Ema Andrea. Ajo do t’i bashkohet këtë vit “Big Brother VIP” dhe do të ndajë shtëpinë me personazhe të tjerë të njohur të showbiz-it. Ema bëhet kështu banorja e katërt që është zbuluar deri më sot.
