Një i ri është plagosur me armë zjarri në fshatin Manati të Lezhës këtë të Premte. I plagosuri, Paulo Bushi (Ndoj), është lënduar në këmbë dhe ndodhet jashtë rrezikut për jetën. Autori është identifikuar dhe shpallur në kërkim.
Policia njoftoi se ngjarja u shënua rreth orës 14:40. “Pas një konflikti për motive të dobëta shtetasi Xh.V., dyshohet se ka plagosur me armë zjarri në këmbë shtetasin P.B.(N), 25 vjeç”, thuhet në një reagim zyrtar.
Sipas uniformave blu, i lënduari ndodhet në spital nën kujdesin e mjekëve, jashtë rrezikut për jetën.
“Shërbimet e Policisë kanë rrethuar zonën dhe vijojnë punën për kapjen e tij, ndërsa grupi hetimor nën Drejtimin e Prokurorisë së Rrethit Gjyqësor Lezhë, po vijon punën për zbardhjen e plotë të rrethanave të ngjarjes”, thuhet në tej në njoftimin e policisë.
