Ministrja e qeverisë “Rama 3” për Rininë dhe fëmijët, Bora Muzhaqi do të deputonte në Parlament me një gafë.
Duke cituar një proverb, sipas saj anglez, me të cilin ajo nuk qe dakord, ministrja e re ngatërroi fjalën shihen me *ihen.
Por kjo nuk ishte gafa e vetme e ministres së Ramës.
“Mendova se nuk do kisha emocione tani që do flisnim se është ora 1 e natës, por çuditërisht përgjegjësia që vjen me pozicionin krijon gjithmonë emocione të paktën për mua”, tha ajo, ndërkohë që ora shënonte 02:00.
Më tej, tha se “fëmijët janë e ardhmja e Shqipërisë dhe vetëm ata mund ta ngrinë këtë vend në lartësinë që ne mendojmë se ky vend meriton”.
“Prandaj ne si qeveri e ju zotëri që qeshni si parlament, (i drejtohet Gjekmarkaj) kemi për detyrë të kërkojmë më shumë nga vetja. Dua t’ju rikujtoj dhe një shprehje që e marr gjithmonë me vete – trupi i shëndoshë (qesh) … mendja e shëndoshë në trup të shëndoshë…”, tha ajo.
