Këshilltari i Boris Johnson, Chriss Whitty, kur doli në “Downing Street” për një konferencë për shtyp me këshilltarët e tij kryesorë për çështjet shëndetësore, e përdori konferencën për të kritikuar këngëtaren Nicki Minaj për një postim të saj në Twitter, sipas të cilit vaksinat anti-Covid mund të shkaktojnë impotencë.
“Ka shumë mite që po qarkullojnë dhe disa prej tyre janë qartësisht qesharake dhe disa janë qartësisht për të përhapur panik. Ky postim është njëri prej tyre”, tha ai, duke shtuar se njerëzit që përhapin këto të pavërteta duhet t’u vijë turp nga vetja.
Kujtojmë se rreth dy ditë më parë, Minaj rrëfeu në Twitter historinë e “shokut të kushëririt nga Trinidad&Tobacco”, lexo këtu.
“Kushëriri im në Trinidad nuk do të vaksinohet sepse shoku i tij mori vaksinën dhe u bë impotent. Testikujt e tij u enjten. Pas pak javësh do të martohej dhe tani ajo vajza e ka anuluar dasmën. Le të lutemi për të dhe sigurohuni që të jeni mirë dhe rehat me vendimin tuaj, po ju shtyrë”, shkroi Minaj.
Pasi foli Whitty, fjalën e mori Boris Johnson dhe tha: “Nuk jam shumë familjar sa duhet të jem me fjalët e Nicki Minaj, por jam familjar me fjalët e Nikki Kananit (drejtuese në radhët e shërbimeve shëndetësore britanike), një superyll i Bexley që ka dalë me dhjetra herë para jush për t’ju treguar se vaksinat janë të shkëlqyera dhe gjithkush duhet t’i marrë”.
Minaj ka rishpërndarë klipin nga kjo konferencë dhe krahas saj shkroi: “Më pëlqen ky, edhe pse mendoj se kjo që tha ishte një diss? Theksi…uhhh?”.
Më pas këngëtarja postoi një mesazh të regjistruar drejtuar Boris Johnson, me një theks britanik të tmerrshëm me qëllim ironizimin me Kryeministri britanik.
“Doja të të telefonoja për të të thënë se sa i mahnitshëm dole në lajme këtë mëngjes. Unë jam britanike, kam shkuar në Oxford, kam qenë në shkollë me Margaret Thatcher dhe do dëshiroja të të nisja punët e mia, mqs nuk di mjaftueshëm për mua. Jam një yll i madh në SHBA!”, tha Minaj.
