Punëtori mbetet i bllokuar brenda minierës

Një punëtor i një miniere në Bulqizë ka mbetur i bllokuar brenda subjektit që prej mesditës, për shkak të një rrëshqitje mineraresh.

“Rreth orës 12.10, në një subjekt minerar në Bulqizë, ka patur një rënie të një masivi minerali dhe nga informacionet paraprake të punëtorëve, dyshohet se ka mbetur i bllokuar në galeri një punëtor”, njoftoi policia.

LEXO EDHE  Lëvizja e Berishës, Noka dhe Balliu: Për një PD më të fortë, vendimi me votë

Të njëjtat burime shtuan se grupi i avari-shpëtimit të minierave po punojnë për pastrimin e galerisë dhe ardhjen në ndihmë të punëtorit që dyshohet se ka mbetur në galeri.

Grupi hetimor vijon hetimet në vendngjarje për zbardhjen e shkaqeve të ngjarjes, thuhet më tej në njoftimin e policisë, që nuk saktëson se në cilin subjekt ka ndodhur ngjarja.