“300-500 fëmijë do të shtrohen në spital”, mjeku grek bën ‘parashikimin’ e frikshëm për rastet me Covid-19

Në 24 orët e fundit në Greqi janë shënuar 2919 raste të reja me COVID-19. Numri tregon një tendencë më të përmbajtur në barrën epidemiologjike, krahasuar me javën e kaluar, teksa sot testet ishin tre herë më shumë.

31 pacientë ndërruan jetë duke e humbur luftën me sëmundjen. 369 pacientë janë të intubuar në spitalet COVID në vendin fqinj.

Duke folur për “SKAI”-in profesori i Pulmonologjisë, Nikos Tzanakis paralajmëroi se gradualisht të paktën 300 deri në 500 fëmijë do të duhet të shtrohen në spital pas fillimit të vitit shkollor.

LEXO EDHE  "Kujt i plasi tra** se kush e merr PD-në", shpërthen Arjan Çani

Ai vlerësoi se të paktën 20% deri 25% e fëmijëve deri në 15 vjeç do të ekspozohen ndaj virusit. “Pjesa dërrmuese do ta kalojë virusin me pak ose aspak simptoma, ndërsa 1% deri 2% do të jenë të sëmurë rëndë” tha ai.