Andri Shevçenko pret kthimin e Milanit të madh. Ish-sulmuesi i kuqezinjve, beson se hapi i parë i skuadrës do të jetë pjesëmarrja në luftën për titullin kampion në Itali, si objektiv kryesor për ekipin e Piolit.
Ëndrra e tifozëve sigurisht që mbetet Liga e Kampioneve, por në fjalët e tij, Sheva thekson se në intervistën për “La Gazzetta dello Sport” se ekipi për momentin nuk duhet ta cilësojë dështim edhe nëse eliminohet në grupe, pasi ka kundërshtarë të vështirë si Liverpul e Atletiko Madrid.
“Në kampionat do të ketë ekuilibër të madh. Milani do të luajë për titullin kampion deri në fund. Konkurrentet? Interi, por edhe Napoli, Roma, Juventusi i zakonshëm. Do të jetë një kampionat i bukur, edhe për këtë arsye.
Në Ligën e Kampioneve kanë grupin më të vështirë. Nuk mund të cilësohet dështim nëse eliminohen, por i kanë mundësitë që të kalojnë turin. Duhet parë edhe nga pikëpamja e kundërshtarëve, prania e Milanit në vazon e katërt ishte mungesë fati”, theksoi ai.
DENONCO