Festivali i Filmit në Venecia/ “L’événement”, filmi me temë abortin fiton “Luanin e Artë”

"L'Evenement" (Happening) Venice Film Festival

Filmi për abortet e jashtëligjshme në Francën e viteve 60, “Happening” ose “L’événement”, fitoi “Luanin e Artë” në Festivalin e Filmit në Venecia.

“E bëra këtë film me zemër, me dëshirë, me barkun, zemrën dhe kokën time,” tha regjisorja Audrey Diwan pasi pranoi çmimin.

“L’événement” bazohet te një roman autobiografik i shkrimtares franceze Annie Ernaux dhe portretizon një grua të re që kërkon të abortojë për të qenë në gjendje të vazhdojë studimet, pavarësisht rrezikut të burgut ose vdekjes.

LEXO EDHE  Ofendoi rëndë konkurrentët në "Për'puthen", familja kritikon Edin: Nuk të kemi rritur kështu

Çmimi i dytë, “Luani i Argjendtë”, iu dha regjisorit italian Paolo Sorrentino për “The Hand of God”, një film për rininë e tij në Napoli.