Kryetari i grupit parlamentar të PD, Alfred Rushaj, ka folur para mediave për largimin nga parlamenti, ku tha se kjo ndodhi për shkak të shkeljes së rregullores, pasi mazhoranca po kërkon t’i zvogëlojë hapësira në komisione opozitës.
Sa i përket pyetjes së gazetarëve lidhur me lëvizjen e fundit të ish-kryeminsitrit Sali Berisha i cili në formularin e dorëzuar në parlament u deklarua si pjesë e grupit të PD, Rushaj tha s edo të ketë një komunikim të mëvonshëm.
‘Sot duhet të ishte një seancë rutinë, ku secila prej forcave politike duhet të zinte vendin e vet nëkomisionet parlamentare, për fat të keq u shkel rregullorja për të zvogëluar hapësirën e përfaqësimit të opozitës në parlament. I bëjmë thirrje së pari kryetares së Kuvendit së dyti Ballës që të zbatojnë rregulloren’. tha Rushaj.
Pyetje nga gazetarët:
Gazetarja: Sali Berisha sapo dorëzoi në Kuvend formularin ku thekson se ëhstë pjesë e grupit parlamentar të PD, si do veproni?
Rushaj: Ne do të ndjekim çdo rregullore. Por unë jam sot që PS të mos shkelë rregulloren. Sa i përket pjesës tjetër do të kemi sërish komunikim.
Gazetarja: Keni patur komunikim me LSI-në?
Rushaj: Nuk kemi pas komunikim me LSI-në.
