Ish-kryeministri Sali Berisha ishte këtë të premte në studion e Zonë e Lirë të Arjan Çanit. Zbuloi disa detaje të reja të cilat nuk i ka thanë në daljet e para, pas vendimit të Bashës për ta larguar nga grupi parlamentar të PD-së.
Berisha tha se Basha ka katër vite që nuk shkel në SHBA duke aluduar se ky mund të ishte një premtim që ka marrë nga SHBA se mund t’i rihapet rruga sërish.
Berisha tha se Basha vendimin e mori për interesat e tij personale. Ndërkohë që shtoi se në vitin 2017 i ka kërkuar bashës që në rast të humbjes së zgjedhjeve duhej të ishte larguar nga drejtimi i PD-së.
Berishës gjithashtu iu soll në vëmendje një deklaratë e Bashës thënë në vitin 2018 ku thoshte se në asnjë rast nuk do të merrte vendim për të vrarë babain e partisë.
Çani: Në nëntor 2018 pyeta Bashën:
A mendon se ka ardhur koha se do të vrasësh babën dhe nëse po, kur do ta kryesh?
Përgjigja e Bashës ishte kurrë. Por duket se sot gjithçka ka ndryshyar. Kësaj pyetje Berisha iu përgjgij se pabesia thyen çdo akt njerëzor.
‘Një akt që ma paraqiti në telefon dhe unë e kundërshtova sepse nuk ishte tagri i tij një vendim i tillë. Kërkova që kundërshtimin tim t’ua përcjell të pranishmëve në mbledhje. Ai shpërndau më parë mesazhin. Pasi foli me mua doli në televizor që bëri njoftimin. Grupin e kishte thirrur por jo për diskutim po për të njoftuar një vendim.’, tha Berisha.
Basha tha sot që amerikanët kanë dhënë detaje të tjera dhe ndaj e mora këtë vendim?
Gjithçka ka bërë vetëm për veten e tij.
Basha ka disa vite që nuk shkon në SHBA.
Mos u është bërë një premtim?
Ai me mua ka bërë një bisedë tre ditë para dhe më thotë se si do ia bëjmë se na del problem ai ligji për dekriminalizimin. Nuk ka asnjë lidhje, i thashë. i bëra me dije se ai ligj është për gjëra konkrete dhe ky është në përgjithësi.
Ka qenë ndonjëherë PD sovrane?
Absolutisht. PD kurrë nuk ka marrë masa se ka thënë ky ose ai. Sovraniteti ka qenë sovranitet. Më ka rënë rasti t’ua them dhe personaliteteve të larta të botës që unë jam dorëheqjen dhe nuk marrë vendime që shkelin sovranitetin e vendit.
Unë nuk do të isha më ai që kam qenë tetë vite ndaj tij për shkak të humbjes së dytë. Ai këtë e dinte.
Në vitin 2017 më pyeti se çfarë të bëjë dhe i thashë vetëm dorëheqje. E kam thënë në çdo studio.
Pse nuk ia kërkuat direkt pas zgjedhjeve dorëheqjen?
Zgjedhjet u zhvilluan dhe komisioni i vëzhgimit bëri një raport të mirë. Kapi disa element, partia shtet, blerjen dhe patronazhistët.
Drejtuesit e PD sa humbën zgjehdjet kërkuan dorëheqjen e tij. Beteja për mua, detyra më thelbësore e udhëheqjes së partitë , ishte avokatia e zgjedhjeve. Humbi dy herë zgjedhjet dhe nuk ka asnjë të drejtë morale të qëndrojë në parti.
