Ideja e organizimit të Kupës së Botës çdo dy vjet është ende një temë e nxehtë në sallonet e mëdha të futbollit. Pas presidentit të UEFA-s, Ceferin që doli haptazi kundër kësaj ideje, ka reaguar edhe federata e futbollit të Amerikës së Jugut e njohur ndryshe si CONMEBOL.
Përmes një njoftimi për shtyp, CONMEBOL ka dalë totalisht kundër idesë së organizimit të Kupës së Botës çdo dy vjet.
“Zhvillimi i Kupës së Botës çdo dy vjet do të ulte cilësinë dhe standartet e kërkuara” shkruan federata e futbollit të Amerikës së Jugut.
