Nuk i njoh vetes asnjë imunitet. Kështu deklaroi ish-kryeministri Berisha në Zonë e Lirë duke shtuar se është i hapur për çdo lloj hetimi ose provë që më kërkohet. Me tej ai tha se ka një problem dhe ky lidhet me faktin se nëse ecën me prova të sajuara është e pamundur.
‘ Unë nuk kam asnjë lloj impresioni. Basha nuk ka asgjë të vërtetë në ato që thotë. Sepse unë ia kam bërë të qartë që në fillim. I kam thënë se nuk ka njeri në botë që t’i kem kërkuar të më ndihmojë për ndonjë vendim. Kam kërkuar vetëm transparencë dhe vetëm transparencë. Basha nuk ndau me mua asnjë nga provat. Ai më ka thënë se i kanë përcjell kërcënime për fëmijët e mi, por unë kam bërë një zgjedhje dhe ajo është gjykata. Unë kam paditur për shpifje Sekretarin Amerikan të Shtetit.
Është bërë njëherë një bisedë me Bashën dhe ia kan thënë se e kanë imponuar Berishën. Por askush nuk më ka imponuar. Unë nuk kam vlerësuar se mund të firmoset mbi bazën e atyre që thotë kundërshtari.
A ka lobuar Basha kundër jush?
Basha vrau PD me qëndrimin e tij nuk vrau Berishën. Në përputhje të plotë me statutin e PD mund të merrte çdo vendim për mua. Po të jepte dorëheqjen Lulzim Basha tregonte respektin maksimal ndaj PD. Ai duhet të kishte dhënë dorëheqjen dhe jo të shkarkonte Berishën.
Kush të vrau, Rama, Basha apo SHBA?
Rama është kryesore, padiskutim që e ka thënë vetë DASH. Nuk mund të them për Bashën që është burim për DASH, por burim është Rama dhe Xhorxh Soros. Për mua ka shpikur Bollino dhe Delina Fico.
Do tentoni t’i merrni partinë Bashës që ia keni falur?
Nuk ia kam falur. Atë e votoi anëtarësia. Basha e ka fituar vetë atë post, por për mua me humbjen e dytë është i pakorrigjueshëm dhe nuk e dërgon kurrë PD në fitore. Unë kam punuar në mënyrën më intensive me ekipin që mbështeste bashën dhe kam thënë që Lulzim Basha është lider i thyer.
Kam thënë se Rama i ka vjedhur zgjedhjet, por Basha nuk i ka fituar zgjedhjet. Janë dy gjëra të ndryshme. Basha boshtëzoi fushatën tek vetja e tij. Punuan me muaj të tërë për ta liderizuar, por ai nuk mund të bëhet lider.
Çtë tha Basha në 30 minuta?
Kështu është më mirë për ty, më mirë për PD dhe më mori e më tha kthe përgjigje. Por unë ia kisha bërë të qartë se do mbroja dinjitetin, mandatin dhe sovranitetin.
Kush kërkon të hakmerret me ty?
Është hakmarrje e mirëfilltë e Xhorxh Soros, sepse i prisha shumë punë me veriun e Kosovës, sepse Hashim Thaçi, Edi Rama dhe Aleksandër Vuçiç, kishin shkuar në Hagë dhe gënjyen duke thënë se për këtë projekt është dakord i gjithë Ballkani Perëndimor.
