Vr*sja e 2 politikanëve në Kosovë, reagon Kurti: I tronditur, të zbardhet sa më parë ngjarja

Kryeministri i Kosovës, Albin Kurti, ka reaguar pas vrasjes së dyfishtë që ndodhi mbrëmjen e sotme në Pejë. Viktima mbetën dy politikanë të PDK-së.

Kurti u shpreh ngushëllimet familjarëve ndërsa fton organet e rendit që të zbardhin sa më parë rastin e kësaj vrasje.

“Sonte u tronditëm nga ngjarja e rëndë që ndodhi në qytetin e Pejës. Sipas konfirmimit zyrtar të Policisë së Kosovës në vendin e ngjarjes kanë mbetur të vrarë dy qytetarë të vendit tonë, kandidati për kryetar të komunës së Pejës, A. A., dhe, ish kandidati për kryetar të Deçanit, B. K., të dy nga radhët e Partisë Demokratike të Kosovës.

U shpreh ngushëllimet më të sinqerta familjeve të viktimave, miqve dhe bashkëpunëtorëve nga Partia Demokratike e Kosovës. Në këto momente të vështira bashkëndjejmë me dhimbjen e tyre për këtë humbje kaq tragjike.

Ftoj organet e rendit që me seriozitetin më të lartë, sa më parë të zbardhin rastin e kësaj vrasje të dyfishtë”, shkruan Kurti.