Mjeku i njohur, Kita Sallabanda, u shpreh sot se në Spanjë, atje ku ai jeton dhe punon, nuk aplikohen vaksinat e detyrueshme.
Sallabanda tha se vaksnimi i detyrueshëm shkel të drejtat e njeriut, pra edhe Kushtetutën.
“Duuhen bindur njerëzit, këtë bënë ne në Spanjë, bindëm qytetarët, pasi me ligj nuk mund të bëhet”, tha Sallabanda. Sipas tij, referuar studimeve, ai që njihet si imuniteti i tufës në rastin e Covid, duhet të jetë 90% dhe jo 70 % sikundër është deklaruar deri më tani.
“Duhet arritur imuniteti 90% për të mbyllur pandeminë”, tha Sallabanda, i cili shtoi se është pro vaksinimit, si një rrugë për të vënë nën kontroll pandeminë.
