Policia braziliane ka hapur një hetim ndaj 4 lojtarëve të Argjentinës pasi akuzohen se shkelën rregullat e COVID-19 që çuan në pezullimin e ndeshjes të së Dielës kundër Brazilit.
Ndeshja në Corinthians Arena u ndërpre disa minuta pas fillimit kur autoritetet shëndetësore u përpoqën të kritikonin dyshen e Aston Villas, Emi Martinez dhe Emiliano Buendia, si dhe dyshen tjetër të Tottenhamit, Giovani Lo Celso dhe Sergio Romero.
Zyrtarët besojnë se katër lojtarët e përfshirë dhanë informacion të rremë për të shmangur karantinën e detyrueshme.
Sipas ligjit brazilian, vizitorët e huaj nga Mbretëria e Bashkuar duhet të kryejnë 14 ditë karantinë sapo të kenë mbërritur në vend.
Qeveria braziliane fillimisht rekomandoi karantinë dhe dëbim të detyrueshëm për katër lojtarët e akuzuar, por ata më vonë u lejuan të udhëtojnë në ndeshjen kundër Brazilit gjithsesi.
Lojtarët u larguan nga vendi brenda pak orësh nga pezullimi i lojës, por zyrtarët thonë se ata kanë dhënë dëshminë e tyre në polici.
Çdokush që shpallet fajtor për raste të tilla në Brazil mund të përballet me deri në pesë vjet burg dhe një gjobë.
