Mark Marku, i cili dorëzoi mandatin e deputetit, ishte i ftuar në ‘Opinion’ deklaroi se 95 % e njerëzve që ka takuar pasi ka dhënë dorëheqjen i kanë çuar mesazhe ku i kanë thënë se ka bërë gjënë e duhur.
Ai foli dhe për rolin e ish-kryeministrit Sali Berisha në PD, sidomos pas vendimit të DASH.
‘Unë e kam thënë se jam kundër vendimit të DASH. është disproporcional, pasi probleme me korrupsionin në Shqipëri nuk ka Sali Berisha, por kryetari i qeverisë dhe ministrat e tij dhe gjithë strukturat.
Nuk ia mbush dot mendjen njeriu në botë që t’i po vendos drejtësi duke shpallur non grata ish kreun e PD. Do isha dakord që të gjithë të korruptuarit të shpallen non grata. E dyta , mendoj që Sali Berisha, pavarësisht problemeve që ka me Shqipërinë dhe që ka përgjegjësi, ai në 2013 duhej të ishte larguar.
Berisha ka qenë njëherë në opozitë, ka ardhur në pushtet dhe e ka dyfish mandatin politik. Pati meritë, sepse bëri zgjedhjet dhe nuk i prishi dhe iku vet.
Ka krijuar një mbivendosje të roleve. Dyzimi i lidershipit, është arsye pse PD nuk vjen në pushtet. Berisha vazhdon betejën e vet, por kjo situatë është shumë e vështirë qoftë dhe për Bashën. Ai duhet të marrë një vendim’.
