Diplomati Agim Nesho, i ftuar në Çim Peka LIVE, tha se nuk sheh ndonjë ndryshim në kabinetin e ri të qeverisë së Edi Ramës.
“Për Ramën gjithë të tjerët janë si ato kukullat ruse, që janë përfaqësues pa zë. Rama ka zhdukur individualitetin e politikanëve,” tha Nesho.
“Rama ka mbyllur ciklin e Rilindjes, që duket sikur është fitimtar, por që do sjellë katastrofën dhe shpërbërjen e partisë më vonë,” paralajmëroi ai.
“Taulant Ballën e ka hedhur në koshin e plehrave. E përdori për të sulmuar udhëheqësit e opozitës deri në ekstrem te familjet e tyre. E hoqi nga figura numër 2 e partisë pasi ai ishte një lidhje mes partisë së Nanos dhe kësaj të Ramës.
Në fund mund të themi se ka marxhinalizim të figurave në PS. Rama mund t’i shohë njerëz si Xhafaj si rrezik për alternativa të reja me zotin Veliaj,” tha Nesho.
DENONCO