Nënkryetari i LSI-së Petrit Vasili, në një intervistë në Syri Tv, me moderatoren Armela Ferko, foli për 17-vjetorin e themelimit të Lëvizjes Socialiste për Integrim dhe aksionin opozitar që pritet të nisë në parlament.
Vasili theksoi se LSI ka qenë një parti që në kaq vjet polik-bërje në vend, ka pasur guximin që të thotë të vërtetat në sy. Ai shton se reforma në drejtësi sot është në një kolaps të madh.
“LSI ka 17 vjet që është themeluar. Lëvizja Socialiste për Integrim u themelua si parti e vlerave europiane. Sot kemi degradim të situatës në çdo kuptim. Sot është një situatë shumë e rëndë politikisht dhe ekonomikisht. Akti i lënës së mandateve është alarm politik. LSI ka qenë parti e të rinjve dhe e mundësive. Kemi thënë të drejtat në sy për këtë regjim kriminal.
Më 25 prill, vota u shkatërrua nga një organizatë kriminale. Salla e parlamentit ka si synim opozitarizmin ndaj Ramës, që po shkatërron vendin me politika të mbrapshta. Reforma në drejtësi është në një kolaps të madh, është bllokuar nga PS, më saktë nga Rilindja. Është paradoksi më i madh që ministër drejtësie bëhet një nga aktorët e dosjes së Dibrës. Vota më 25 prill u vodh në mënyrë kriminale. U ndryshua Kushtetuta e 5 Qershori ra. Kjo qeveri ka dështuar totalisht edhe me pandeminë”, deklaroi Vasili.
