Një 27-vjeçare braziliane e cilësuar si ‘koka’ e një karteli droge është arrestuar nga policët ndërsa ishte me pushime në Brazil. Valeska Pereira Monteiro bënte një jetë tepër luksoze me paratë e fituara nga karteli i drogës që ajo drejtonte.
Sipas policëve, ajo veproi si “krahu financiar” i bandës së trafikut të drogës që vepronte në shtetin verilindor brazilian të Ceara. Ajo merrej me ndarjen e parave dhe grumbullimin e tyre si dhe caktonte territoret e shpërndarjes.
Ajo quhej “Madhëria e saj” pasi thuhet se i shpenzoi të ardhurat e saj në udhëtime luksoze.
Para arrestimit të saj, policia raportoi se “Madhëria e saj” kaloi një muaj në Rio Grande do Norte dhe dy muaj në Rio de Janeiro, ku qëndroi në Copacabana dhe Ipanema dy pika turistike me kosto të lartë në kryeqytetin e shtetit. Ajo pastaj shkoi me pushime në Gramado, ku u arrestua. “Madhëria e saj” ka një precedent penal paraprak për vjedhje, bandë kriminale, krime kundër besimit publik dhe trafik droge. Ajo gjithashtu ishte arrestuar për drejtimin e një bande që grabiti pronat rezidenciale dhe tregtare në Fortaleza në 2014.
“Madhëria e saj” ra nën radarin e policisë përsëri vitin e kaluar, pasi policia zbuloi se ajo po bënte llogarinë për bandën kriminale me bazë në Rio de Janeiro. Kur policia e arrestoi, sekuestroi dy pistoleta me 80 plumba, çanta me marijuanë, kokainë, para të gatshme dhe pesë peshore.
