E rëndë, humb jetën nga Covid foshnja tre javëshe

Një foshnje 3-javëshe ka vdekur si pasojë e infektimit me COVID-19.

Burime nga QKUK bëjnë me dije se foshnja ka vdekur mbrëmjen e ditës së djeshme.

Ajo po merrte trajtim në Klinikën e Neonatologjisë, por që për shkak të infektimit me virus, ajo ka vdekur mbrëmë.

Foshnja thuhet se që në fillim kishte qenë në gjendje të rëndë shëndetësore, ndërsa pastaj ishte vendosur në ventilim mekanik.

LEXO EDHE  Shpërthen bombola, plagosen tre persona në Xhafzotaj

Ajo ishte infektuar me virus nga familjarët e saj të cilët po ashtu ishin të infektuar.

Numri i të vdekurve si pasojë e COVID-19 është shtuar dukshëm javëve të fundit në Kosovë.

Vetëm në katër ditët e para të shtatorit, 101 persona kanë vdekur nga COVID-19, përfshirë këtu gra shtatzëna, dhe persona deri në moshën 40 vjeç.