Ish-kreu i Partisë Socialiste në Vaun e Dejës, aktualisht delegat i socialistëve, Nikolin Huba, i cili u plagos ditën e sotme në Shkodër, është dërguar për mjekim të specializuar në Tiranë.
54-vjeçari menjëherë sapo ka dalë nga salla e operacionit është marrë në pyetje, por ka deklaruar se nuk ka asnjë konflikt dhe se nuk e di kush janë autorët apo përse e kanë plagosur.
Bie në sy se televiziv publik, RTSH, e quan Hubën një zyrtar të demokratëve. Më tej, RTSH thekson se ai u plagos pas një konflikti të çastit.
Ndërkohë nga dëshmia e zbardhur nga mediat, Huba u shpreh se u qëllua nga dy persona me motor, duke mohuar që të ketë pasur ndonjë konflikt, sikundër jepet nga televizioni publik.
Zyrtarisht policia tha se po heton lidhur me ngjarjen dhe po kërkon autorët e dyshuar.
