FOTO/ Të shtëna me armë në Trieste mes shqiptarëve, 8 të plagosur. Detajet

Dy grupe shqiptarësh, nga Shqipëria dhe Kosova, janë përfshirë në një konflikt të armatosur në Trieste të Italisë. Sipas mediave italiane, si rezultat i të shtënave janë plagosur 8 persona, njëri prej të cilëve në gjendje të rëndë.

Ngjarja ka ndodhur mëngjesin e sotëm në via Carducci, në qendër të Triestes.

Siç raportojnë mediat italiane, agresorët janë arrestuar nga policia, rreth orës 09:00 në zonën Lisert, pak para se të merrnin autostradën A4.

LEXO EDHE  Brenda makinës 400 mijë € të Edi Ramës /Foto

Dy prej të arrestuarve ishin ende të armatosur dhe u përpoqën të qëllonin për t’i rezistuar kapjes.

Sipas asaj që është mësuar, të shtënat me armë janë shkrepur pranë një lokali, ndoshta si rezultat i një mosmarrëveshjeje që lindi nga çështjet e punësimit.

Përleshja nisi me shkopinj me shufra hekuri për të vijuar me të shtëna pistolete.