Berisha karikon kombëtaren: Të fitojmë ndaj Hungarisë

Etrit Berisha, kapiteni i kombëtares shqiptare, para ndeshjes me Hungarinë ka deklaruar në konferencën për shtyp, se duhen shmangur gabimet që u bënë përballë Polonisë.

“Jemi të vetëdijshëm për lojën e bërë, bëmë gjëra të mira, por duhet të shmangim disa gabime. Te golat e pësuar nuk ishim të vetëdijshëm për ato momente. Të mësojmë nga gabimet, nga golat e pësuar. Duhet të merrnim më shumë me lojën e bërë. Do mundohemi të japim më shumë ndaj Hungarisë dhe të kthehemi te fitorja”, tha Berisha.

Ai shtoi se kjo është një ndeshje shumë e rëndësishme për të dyja ekipet.

“Edhe me Poloninë ishte e rëndësishme. Kemi mundësinë, që nëse fitojmë ta vazhdojmë ëndrrën tonë. Është vendimtare për ne, për Hungarinë dhe ndoshta edhe për Poloninë.

LEXO EDHE  Brdariç: Nuk e kuptoj pse gjyqtari anuloi golin, ja pse i vonova zëvendësimet

Pas ndeshjes e dinim çfarë kishim bërë, të mirat dhe të këqijat. Kjo ndeshje do të thotë shumë dhe jemi të motivuar të luajmë mirë dhe të fitojmë. Një fitore do na jepte besim për vazhdimësinë. Mendoj që kombëtarja jonë ka bërë një hap të rëndësishëm, duke parë lojërat që janë më të mira. Kemi personalitet në lojë, bëjmë gjëra të mira.

Duhen eliminuar disa gabime që shmangen. Hungaria ëshët ekip i fortë, por nesër do të jetë një ndeshje e veçantë për të dyja ekipet. Mendoj se për ne është një ndeshje shumë e rëndësishme. Respekt për Hungarinë, por do të futemi në fushë për fitore”, tha ai.