Modelja Jenae Gagnier, u gjet e vrarë në apartamentin e saj ditën e diel.
Pas vdekjes së modeles, në rrjete sociale nuk munguan komentet negative të njerëzve që shprehen se Gagnier ka qenë vetë fajtore pasi publikonte foto provokuese.
Për shkak të gjithë këtyre komenteve, Cardi B ka bërë një reagim në rrjete sociale, ku i ka dalë në mbrojtje modeles së ndjerë.
“Shumë e trishtuar dhe shkoni në djall ju k**** që përpiqeni ta justifikoni vrasjen për shkak të stilit të saj të jetesës. Ju i urreni njerëzit qoftë gjallë apo vdekur. Ajo ishte një njeri i ëmbël”, është shprehur reperja gjatë një videoje live në Instagram.
Jeanetta Grover, nëna e Gagnier, ka thënë për mediat e huaja se ajo dhe familja e saj i janë shumë mirënjohës Cardi B, që foli në mbështetje të vajzës së tyre.
