Reperja Cardi B ka zbuluar se shtëpia e saj në Atlanta po përmbytet për shkak të uraganit Ida që goditi Xhorxhian dhe shtetet e tjera të Bregut Lindor.
Reperja ndau me fansat një video teksa tregonte shtëpinë e saj të përmbytur në Atlanta. Teksa kalonte ngadalë mbi një pellg të madh uji që dilte nga një nga banjot e përmbytura, ajo shkroi: “Stuhia nuk është shaka”.
Sipas raportimeve të autoriteteve, Atlanta përjetoi pasojat më të forta të uraganit Ida. Kishte edhe një kërcënim të mundshëm për tornado dhe erëra të forta, ku parashikoheshin që reshjet e shiut mund të ishin shumë të mëdha.
Për fat të mirë, pjesa e mbetur e javës pritet të jetë më e qetë, ndërsa shtetet e tjera të Bregut Lindor mbeten akoma në rrezik të përmbytjeve.
Reperja dhe partneri i saj Offset, blenë një rezidencë prej 5.8 milion dollarë në Sandy Springs, në periferi të Atlantës, në dhjetor të vitit 2019. Shtëpia është 22,000 metra katrorë me pesë dhoma gjumi, shtatë banja, të gjitha në dispozicion të çiftit. E gjithë prona shtrihet në 5.84 hektarë të pyllëzuar.
